PLATO Team - təşkilari görən komanda üzvlərindən və xidmətlərimizin ideya mənbəyi olan ekspertlərdən ibarətdir. Komanda üzvlərimiz üçün ortaq dəyər "Gələcək naminə əzmlə irəli !" şüarı və PLATO Etik Kodeksində yer aran digər prinsipləridir. PLATO komandası nümunəvi davranış sərgiləməklə yanaşı, həm də layihəmizin əsas aparıcı qüvvələri və təmsilçiləridir. PLATO öz növbəsində komandada yer alan hər bir üzv üçün müxtəlif inkişaf proqramları təqdim edir, üzvümüzün komandamız daxilində və ya komandamızdan kənarda başqa bir qurumda layiqli yerə gəlməsinə dəstək olur. Komanda üzvləri arasında digər üzvün inkişafına əngəl olmağa çalışan üzvü qanun çərçivəsində və səsvermə yolu ilə aramızdan uzaqlaşdıra bilərik. Bizim üçün komandamızın hər bir üzvünün inkişafı bizim birlikdə inkişafımız deməkdir. Komandamıza qoşulmaq istəyirsinizsə, elanlarımızı izləyin. PLATO Team üzvlərini sizə təqdim etməkdən qürur duyuruq. "Ətraflı oxu" bölməsinə keçid edərək, komandamızın heyəti ilə tanış ola bilərsiniz.

PLATO üçün etik kodeks - komandadaxili, eləcə də, komandanın ambassadorlar, üzvlər və digər əməkdaşlıq edilən qurum nümayəndələri ilə davranış və yanaşmada sərgilədiyi davranış qaydaları toplusudur. PLATO komandası tərəfindən sərgilənən davranış və formalaşan yanaşma, PLATO üzvləri üçün nümunədir. Etik Kodeks dəyərləri ilk dəfə pozularsa, davranış qaydalarına riayət etməyən şəxsə xəbərdarlıq verilir. Əgər, bu cür hallar davamlı olaraq təkrarlanarsa və ya kobud şəkildə Etik Kodeksdən kənara çıxılarsa, PLATO Team üzvü komandadan uzaqlaşdırıla bilər. Bu cür hallar PLATO Members üzvü və ya ambassador tərəfindən olarsa, üzvlük ləğv oluna, ambassador ilə isə əlaqələr dayandırıla bilər. Əməkdaşlıq etidyimiz təşkilat nümayəndələri tərəfindən bu cür hallar olduqda, əməkdaş təşkilata bu barədə müraciət göndərilə bilər. Hər kəsi aşağıda qeyd olunmur əsas dəyərlərimizə qarşı məsuliyyətli olmağa çağırırıq.

Korporativ Sosial Məsuliyyət (KSM) - müasir cəmiyyətlərdə biznesin sosial inkişafa dəstək üçün ayırdığı resurslardır. Elm, təhsil və maarifləndirmə yolu ilə sosial inkişafa nail olmaq bizim əsas məqsədlərimizi və xidmət istiqamətimizi təşkil etsə də, KSM çərçivəsində PLATO bir sıra sosial layihələrə ideya verir və onları reallaşdırır. Biz KSM tədbirlərimizin əhatəsini genişləndirmək və daha da intensivləşdirmək üçünpartnyorlarımızla bu istiqamətdə də əməkdaşlıq edirik. Bundan başqa, təhsil, tədqiqat, təcrübə və digər istiqamətlərimiz üzrə KSM nəzərdə tutmuş müəssisələrə tədbirləri təşkil etmək və həyata keçirmək üçün öz xidmətlərimizi təklif edə bilərik. KSM tədbirlərimizi dəstəkləmək və bizimlə bu istiqamətdə əməkdaşlıq etmək istəyirsinizsə, veb səhifəmizdə qeyd olunan nömrə və e-poçt vasitəsilə bizə yazmağınızı xahiş edirik. Biz sizin resursları (vaxt, zaman, insan kapitalı və s.) layiqində dəyərləndirə bilərik. Bizim təşkil etmiş olduğumuz KSM tədbirləri ilə tanış olmaq üçün "daha ətraflı" bölməsinə keçid edin.

Academy PLATO-nun təklif etdiyi xidmətlər, üzvlük konsepti və əməkdaşlıq yanaşması çoxşaxəli olması bəzi suallar yaradır. Bizə ünvanlanan suallardan təşkil etdiyimiz bu bölmədə bizim ideyamız, məqsədimiz, xidmətlərimiz, təhsil metodumuz, təlim mövzularımız və təlimçilərimiz, üzvlük şərtləri və qaydaları, etik davranış kodeksi və dəyərlərimiz, korporativ sosial məsuliyyət və əməkdaşlıq, eləcə də tərəfimizdən təşkil olunan digər tədbirləri əhatə edən suallar və cavablarımız cəmlənmişdir. Sual-cavab hissəsinə keçid etmək üçün "daha ətraflı" bölməsini seçməyiniz xahiş olunur. Sizi maraqlandıran sual bu hissədə olmazsa, sualınızı birbaşa bizə ünvanlaya bilərsiniz.

PLATO Membership (üzvlük) və PLATO Members (üzvlər) konsepti PLATO-nu fərqləndirən əsas istiqamətlərdəndir. Biz çalışırıq ki, xidmətlərimizdən ibarət hazırladığımız müxtəlif təklif paketlərimiz hər bir üzvün maraqlarına uyğun gəlsin. Üzvlük paketlərimiz həm individual üzvlər, həm də təşkilatlar üçün nəzərdə tutulub. PLATO komandası və ekspertləri tərəfindən müxtəlif üzvlük paketlərinin tərkibi və qiymətləri hazırlanır. Hazırda, əldə edə biləcəyiniz üzvlüyümüz "PLATO Aplos" üzvlüyüdür. Üzvlük Sizə PLATO tərəfindən təşkil olunan bütün ödənişli tədbirlər (təqdimatlar, seminarlar, dil dərsləri və ekskursiyalar) üçün 20% endirim, ödənişsiz təşkil olunan təlimlərdə isə "priority pass" (prioritet) qazandırır. Üzvlüyümüzün Sizə daha çox fayda qata bilməsi üçün, davamlı olaraq, PLATO Team tərəfindən tədbirlər təşkil olunur, ekspertlərimiz tərəfindən isə təlim və təqdimat proqramlarımız zənginləşdirilir. PLATO Aplos üzvlüyünü əldə etmək istəyirsinizsə, bizimlə əlaqə saxlamağınızı xahiş edirik. Aylıq hesabatlarımız barədə məlumat üçün "daha ətraflı" bölməsinə keçid edin.

PLATO Ambassador - dəyərlərimizin və bizim sərgilədiyimiz "gələcək inkişaf naminə elm, təhsil və təcrübə" şüarımızın carçıları və dəstəkçiləridir. Ambassadorlar şəxsi və peşəkar keyfiyyətlərinə görə PLATO Team və ekspertlər tərəfindən, bizimlə eyni məqsədi və dəyərləri paylaşan və inkişafımızda bizə dəstək olan şəxslər arasından iki il müddətinə seçilir. Seçilmiş ambassadorlar PLATO xidmətlərindən məhdudiyyətsiz faydalana bilər. Ambassadorlarımızdan gözləntilərimiz bizim şüarımızı və xidmətlərimizi sosial şəbəkələrdə, müxtəlif tədbirlərdə, rəsmi və qeyri-rəsmi görüşlərdə paylaşmaq, PLATO ailəsinin daha da böyüməsinə dəstək kimi təşkilati və mənəvi məsələlərdir. Hazırda, PLATO Ambassadorlarını tanımaq üçün "daha ətraflı" düyməsinə keçid edə bilərsiniz. Əgər Siz də bizim "Ambassador" proqramının bir hissəsi olmaq istəyirsinizsə, özünüz barədə və bizim layihə üçün göstərə biləcəyiniz dəstək haqqında məlumat göndərməyinizi xahiş edirik.

PLATO-nun əməkdaşlıq etdiyi təşkilatlar arasında dövlət qurumları, beynəlxalq təşkilatlar, təhsil müəssisələri, QHT-lər və müxtəlif sahələrdən olan özəl müəssisələr yer alır. PLATO əməkdaşlıqda qarşılıqlı hörmət, dəstək və məsuliyyət prinsiplərinə və PLATO Etik Kodeksində yer alan digər dəyərlərə və qaydalara riayət edir. Birgə əməkdaşlığın nəticəsində cəmiyyətimiz və gələcəyimizin qazanması bizim əməkdaşlıqda prioritetlərimizdəndir. Bundan başqa, əməkdaşlıq çərçivəsində müxtəlif xidmətlərdən qarşılıqlı faydalanmaq marağındayıq. Bizim təklif etdiyimiz xidmətlər partnyor təşkilatın kateqoriyasına (dövlət qurumu, təhsil institutu, sənaye müəssisəsi və s.) və sahəsinə müvafiq olaraq dəyişə bilər. Hər bir təşkilatla əməkdaşlığımız unikaldır. Danışıqlar və razılaşma yolu ilə əməkdaşlıq sazişi və xidməti müqavilə əsasında xidmət göstəririk. PLATO olaraq partnyorlarımız arasında körpü olmaq, yeni təkliflərlə çıxış etmək bizim əməkdaşlıq etdiyimiz təşkilatlara faydalarımızdan biridir. Hər bir partnyor xidmətlərimiz arasından ən uyğun olanları seçə bilər. PLATO ekspertləri hər zaman bnu seçimdə dəstək olmağa hazırdır. Hazırda əməkdaşlıq etdiyimiz təşkilatlar barədə məlumat üçün "daha ətraflı" bölümünə keçid edə bilərsiniz. Bizimlə əməkdaşlıq sizin marağınızdadırsa, bizimlə əlaqə yaratmağınızı xahiş edirik.

PLATO Team tərəfindən üzvlərimiz, ambassadorlarımız və əməkdaşlıq etdiyimiz təşkilatlar üçün müxtəlif kateqoriyada tədbirlər təşkil olunur. Tədbirlərimizdə əsas üstünlük maarifləndirmə, elmin stimullaşdırılması, şəxsi və təşkilati inkişafa dəstək istiqamətlərinə verilir. Tərəfimizdən yeddi əsas tədbir kateqoriyası müəyyənləşdirilmişdir. Bunlara - maarifləndirici ekskursiyalar və turlar, elmi müzakirələrin keçirilməsi üçün təşkil olujnan dəyirmi masalar, müxtəlif elm istiqamətlərində aparılmıq tədqiqatların, eləcə də, elmi araşdırmaya söykənən nəşrlərin (məqalə və kitablar) geniş kütləyə çatdırılması məqsədilə təqdimatların təşkili, şəxsi və təşkilati inkişaf üçün nəzərdə tutulan təlimlər (mütəmadi keçirilən təlimlərimizdən əlavə, yeni təlim mövzuları sifariş əsasında ekspertlərimiz tərəfindən, eyni zamanda, sifarişçi tərəfindən təklif oluna bilər), elmi konfrans və görüşlərin (təhsil/elm müəssisələri ilə digər qurumlar/sənaye nümayəndələri arasında anlaşma memorandumlarının bağlanmasının təşkili), müxtəlif yaş kateqoriyaları arasında müsabiqə və yarışların keçirilməsi üçün A-dan Z-ə tədbirin təşkili, şəxsi və təşkilati inkişafa dəstək məqsədilə ekspertlərlə mentor və konsultasiya görüşlərinin təşkili aiddir. Qeyd edək ki, elmin müxtəlif sahələri üzrə ekspertlərimiz yalnız öz sahələri üzrə mentorluq və konsultasiya xidməti göstərirlər. Tədbirlərimizi izləmək üçün "Daha ətraflı" düyməsini seçərək "PLATO Evemts" bölümünə keçid edə və ya sualınız olarsa, "bizə yazın" bölümündən sualınızı/müraciətinizi göndərə bilərsiniz.